അഗസ്ത്യാര്‍കൂടം ട്രക്കിംഗ്: ഇത്തവണ 34 ദിവസം; ഓണ്‍ലൈന്‍ ബുക്കിംഗ് ജനുവരി 8 മുതൽ മുതല്‍…
തിരുവനന്തപുരം: അഗസ്ത്യാർകൂടത്തേക്ക് ഒരു സ്വപ്ന യാത്രയാണോ നിങ്ങളുടെ മനസ്സിൽ എന്നാൽ ഇതാ സുവർണാവസരം വന്നെത്തി. നിങ്ങളുടെ സ്വപ്ന യാത്രയിലേക്ക് ഇനി ഏതാനും ദിവസങ്ങൾ മാത്രം. ഇത്തവണ ജനുവരി 20 ാം തീയതിയാണ് ട്രംക്കിംഗ് ആരംഭിക്കുന്നത്. ഫെബ്രുവരി 22 വരെ നീണ്ടുനിൽക്കും.
34 ദിവസത്തേക്കാണ് ഇത്തവണ അവസരം. ജനുവരി 8 മുതൽ ട്രക്കിംഗിനായുള്ള ബുക്കിംഗ് തുടങ്ങും. നിത്യഹരിത വനങ്ങളും പുൽമേടുകളും പാറക്കെട്ടുകളും അരുവുകളും നിറഞ്ഞ അഗസ്ത്യാർകൂടത്തേക്ക് പോകാൻ റെഡിയല്ലേ. ബുക്കിംഗിനെ കുറിച്ച് വിശദമായി അറിയാം.
വനം വകുപ്പിന്റെ www.forest.kerala.gov.in എന്ന വെബ്സൈറ്റ് അല്ലെങ്കിൽ serviceonline.gov.in/trekking ലോ ഓൺലൈനായി ബുക്ക് ചെയ്ത് ടിക്കറ്റ് സ്വന്തമാക്കാം. ജനുവരി എട്ടിന് രാവിലെ 11 മണിക്ക് ബുക്കിംഗ് ആരംഭിക്കും. അക്ഷയ കേന്ദ്രങ്ങൾ മുഖേനയും പൊതുജനങ്ങൾക്ക് ഓൺലൈൻ ആയും ടിക്കറ്റ് ബുക്ക് ചെയ്യാം. ട്രെക്കിംഗിൽ പങ്കെടുക്കുന്ന ഓരോരുത്തരും തിരിച്ചറിയിൽ കാർഡ് നമ്പർ ഓൺലൈൻ അപേക്ഷയിൽ ഉൾപ്പെടുത്തേണ്ടതുണ്ട്.
സന്ദർശകരുടെ സൗകര്യാർഥം ഈ വർഷത്തെ ട്രെക്കിംഗും അതിനായുള്ള ബുക്കിംഗ് മൂന്ന് ഘട്ടങ്ങളായാണ് ക്രമീകരിച്ചിരിക്കുന്നത്. ജനുവരി 20 മുതൽ 31 വരെയാണ് ആദ്യ ഘട്ട ട്രക്കിംഗ്. ഇതിനായി ജനുവരി 8 ന് രാവിലെ 11 മണി ബുക്കിംഗ് ആരംഭിക്കും. ഫെബ്രുവരി ഒന്ന് മുതൽ 10 വരെയാണ് രണ്ടാം ഘട്ട ട്രക്കിംഗ്. ജനുവരി 21 ന് രാവിലെ 11 മണിക്കാണ് രണ്ടാം ഘട്ട ട്രെക്കിംഗിനുള്ള ഓൺലൈൻ ബുക്കിംഗ് ആരംഭിക്കുക. ഫെബ്രുവരി 11 മുതൽ 22 വരെയാണ് മൂന്നാം ഘട്ട ട്രക്കിംഗ്. ഫെബ്രുവരി മൂന്നാം തീയതി രാവിലെ 11 മണിക്കാണ് മൂന്നാംഘട്ട ട്രക്കിംഗിനുള്ള ബുക്കിംഗ് ആരംഭിക്കുക.
ഓൺലൈൻ രജിസ്ട്രേഷൻ വഴി പരമാവധി 70 പേർക്ക് മാത്രമെ ഒരു ദിവസം പ്രവേനം അനുവദിക്കുകയുള്ളൂ ഓൺലൈൻ രജിസ്ട്രേഷനിൽ ഉണ്ടാകുന്ന കാൻലേഷൻ ഉൾപ്പെടെ ഓഫ് ലൈൻ വഴി ഒരു ദിവസം പരമാവധി 30 പേർക്ക് അനുമതി നൽകും. ട്രക്കിംഗിന്റെ തലേദിവസം ആയിരിക്കും ഓഫ് ലൈൻ ആയി അനുമതി നൽകുക.
