ഇംഫാൽ: മണിപ്പൂരിലെ ജിരിബാം ജില്ലയിൽ വീണ്ടും അക്രമം. അക്രമത്തിൽ ആറ് പേർക്ക് ജീവൻ നഷ്ടപ്പെട്ടതായി റിപ്പോർട്ട്. കുക്കി വിമതർ എന്ന് സംശയിക്കുന്നവർ നുങ്‌ചാപ്പി ഗ്രാമത്തിൽ ആക്രമം നടത്തിയെന്നും 63 കാരനായ യുറെംബം കുലേന്ദ്ര സിംഹ കൊല്ലപ്പെട്ടുവെന്നുമാണ് റിപ്പോർട്ട്. കുക്കി വിമതർ റോക്കറ്റ് ബോംബ് ഉപയോഗിച്ച് മൊയ്‌റാംഗ് പട്ടണത്തിൽ വയോധികനായ മെയ്തേയ് വിഭാഗത്തിൽപ്പെട്ട ആളെ കൊലപ്പെടുത്തിയതിന് പിന്നാലെയാണ് ആക്രമണം. മെയ്തേയ് സമുദായത്തിലെ സായുധ സംഘങ്ങളും കുക്കി ഗോത്രങ്ങളും തമ്മിലുള്ള വെടിവെപ്പിലാണ് മറ്റ് അഞ്ച് പേരും കൊല്ലപ്പെട്ടതെന്ന് വൃത്തങ്ങൾ അറിയിച്ചു...
